Maður ársins hjá Frjálsri verslun

Fri, 30 Dec 2011 13:51:42 GMT

Eyjólfur Árni Rafnsson, forstjóri Mannvits, var valinn maður ársins í atvinnulífinu árið 2011 af dómnefnd tímaritsins Frjáls verslun. Menntamálaráðherra, Katrín Jakobsdóttir afhenti Eyjólfi Árna viðurkenningu þessa efnis við formlega athöfn á vegum Frjálsrar verslunar fimmtudaginn 29. desember.

Fyrsta skip íslenska flotans sem gengur fyrir innlendum orkugjafa

Thu, 15 Dec 2011 14:38:49 GMT

Í dag fimmtudaginn 15. desember kemur Björgúlfur EA 312 til heimahafnar á Dalvík úr óvenjulegri veiðiferð. Það óvenjulega við þessa veiðiferð er, að Björgúlfur notaði innlendan orkugjafa, sem er lífdísill framleiddur hjá nýsköpunarfyrirtækinu Orkey á Akureyri.

Breytt tilhögun á urðun úrgangs að Strönd í Rangárvallasýslu

Tue, 13 Dec 2011 15:50:05 GMT

Sorpstöð Rangárvallasýslu bs. fyrirhugar breytingar á tilhögun urðunar úrgangs í landi Strandar í Rangárþingi ytra í samvinnu við Sorpstöð Suðurlands. Til skoðunar er að taka þar til urðunar heimilisúrgang frá Sorpstöð Rangárvallasýslu bs. og Sorpstöð Suðurlands bs. sem í dag er fluttur til urðunar í Álfsnes í Reykjavík.

Mannvit tekur þátt í ráðstefnu GeoPower Europe

Mon, 05 Dec 2011 09:28:19 GMT

Mannvit er þátttakandi í árlegri jarðhitaráðstefnu og sýningu GeoPower Europe sem fram fer í Milanó á Ítalíu 6-7 des. Að þessu sinni verður Mannvit með bás á sýningunni (nr.14) ásamt því að Sigurður Lárus Hólm, framkvæmdastjóri Budapest skrifstofunnar mun halda erindi sem ber heitið “From Resource to Revenue - Geothermal Heating Plants in Europe”.

Mannvit á ráðstefnu í Kenya

Thu, 01 Dec 2011 15:56:59 GMT

Í lok nóvember tók Mannvit þátt í ráðstefnu og sýningu sem haldin var í Kenyatta International Conference Centre í Kenya. Samstarfsaðilar voru Verkís, Ísor og Vatnaskil. Umfjöllunarefni ráðstefnunnar var notkun jarðhita, en talið er að nýtanlegur jarðhiti í Kenya sé allt að 10.000 MW.

Mannvit á jarðhitaráðstefnu í Bandaríkjunum

Wed, 02 Nov 2011 11:37:19 GMT

Mannvit tók þátt í árlegri jarðhitaráðstefnu Geothermal Energy Association (GEA) sem haldin var í San Diego í Bandaríkjunum dagana 23-26 október. Mannvit deildi bás með franska félaginu Technip sem er samstarfsaðili Mannvits í byggingu jarðhitavirkjana í Bandaríkjunum og víðar. Félögin hafa nú unnið saman að því að bjóða þjónustu sína á ameríkumarkaði síðan 2009.

Torgið við Hörpu hlýtur norræn verðlaun

Wed, 26 Oct 2011 08:36:49 GMT

Torgið fyrir utan tónlistahusið Hörpu í Reykjavík fékk ein af þrennum norrænu arkitekaverðlaununum sem afhent voru í Gautaborg í gær 24.október. Um er að ræða norræn arkitektaverðlaun í þremur flokkum: besta norræna byggingin, besta norræna almenningsrýmið og besta norræna bæjarskipulagið. Torgið við Hörpu hlaut verðlaun í flokknum besta norræna almenningsrýmið.

Mannvit og Verkís hanna virkjanir á Norðausturlandi

Fri, 21 Oct 2011 08:50:29 GMT

Landsvirkjun og Þeistareykir ehf. hafa undirritað samninga við verkfræðistofurnar Mannvit hf. og Verkís hf um ráðgjafarþjónustu vegna fyrirhugaðra jarðhitavirkjana í Bjarnarflagi og á Þeistareykjum. Heildarfjárhæð samninga hljóðar uppá rúma 2,9 milljarða króna að meðtöldum virðisaukaskatti.

90 MW tekin í notkun í Hellisheiðarvirkjun

Mon, 17 Oct 2011 14:39:18 GMT

Við hátíðlega athöfn þann 1 október 2011 tók Orkuveita Reykjavíkur formlega í notkun tvær 45 megavatta Mitsubishi aflvélar í 5. áfanga Hellisheiðarvirkjunar. Nýju vélarnar eru í nýju stöðvarhúsi skammt frá aðalbyggingu virkjunarinnar og var stöðinni gefið nafnið Sleggjan.

Umhverfismat tillögu að samgönguáætlun 2011-2022

Mon, 03 Oct 2011 11:28:31 GMT

Samgönguráð hefur nú auglýst umhverfismat tillögu að samgönguáætlun 2011-2022. Í samgönguáætlun er mörkuð stefna fyrir allar greinar samgangna næstu tólf árin. Umhverfismatið fjallar bæði um helstu umhverfisáhrif stefnu og framkvæmda áætlunarinnar.

Steinsteypuprófanir fyrir norsku Vegagerðina

Mon, 20 Dec 2010 13:00:38 GMT

Rannsóknarstofa Mannvits hefur gert rammasamning við norsku Vegagerðina um prófanir á steinsteypu og íefnum hennar til tveggja ára með möguleika á framlengingu til allt að tveggja ára. Samningurinn er niðurstaða útboðs á evrópska efnahagssvæðinu og hefur sams konar samningur verið gerður við tvær aðrar rannsóknarstofur, báðar norskar. Með þessu hefur norska Vegagerðin skuldbundið sig til að leita til þessara þriggja stofa vegna allra steypuprófana sem gerðar verða á vegum hennar á samningstímanum.

Hitaveituframkvæmdir Mannvits í Ungverjalandi

Fri, 09 Jul 2010 10:04:24 GMT

Össur Skarphéðinsson utanríkisráðherra, Pál Kovács, vararáðuneytisstjóri þróunarmálaráðuneytis Ungverjalands, og Márk Győrvári, borgarstjóri Szentlőrinc, lögðu í gær hornstein að hitaveitu sem er hönnuð af verkfræðistofunni Mannviti fyrir ungverska einkafyrirtækið PannErgy.

Kísilmálmverksmiðja í Þorlákshöfn í Ölfusi

Mon, 29 Nov 2010 14:23:46 GMT

Kynning á tillögu að matsáætlun

Mannvit hf. hefur fyrir hönd Thorsil ehf. sent tillögu að matsáætlun til Skipulagsstofnunar til kynningar. Í tillögunni er fjallað um kísilmálmverksmiðju sem á að framleiða allt að
60.000 tonn af kísilmálmi (metallurgical grade silicon) á ári í tveimur ofnum. Kísilmálmur er yfir 98% hreinn kísill. Kísilmálmurinn sem áformað er að framleiða í verksmiðju
Thorsils ehf., verður seldur úr landi til fyrirtækja sem starfa í efnaiðnaði og málmiðnaði.

Spriklandi og Grikklandi

Mon, 11 Jan 2010 14:10:47 GMT

Í nýlega útkomnu fréttablaði grísks viðskiptavinar Mannvits, S&B, er fjallað um AMT/MT mælingarnar sem framkvæmdar voru á Grísku eyjunum Milos og Kimolos í September og Október í haust.

Nánar um mælingarnar hér

Háskólinn í Reykjavík

Thu, 11 Nov 2010 10:45:39 GMT

Nýbygging Háskólans í Reykjavík verður formlega tekin í notkun í dag 11.11.2010. Háskólinn hefur nú flutt alla sína starfsemi að Menntavegi 1 í Nauthólsvík.

Mannvit sá um hönnun burðaþols, brunavarna, lagna- og loftræstikerfis og hljóðvistar. Í Morgunblaðinu í dag var birt viðtal við nokkra af verkfræðingum Mannvits vegna þessara tímamóta og má nálgast greinina hér.

Lífdísilverksmiðja Orkeyjar ehf. vígð á Akureyri

Thu, 07 Oct 2010 15:32:27 GMT

6. október var lífdísilverksmiðja nýsköpunarfyrirtækisins Orkeyjar á Akureyri vígð. Framleiðsla á lífdísli mun hefjast af krafti á næstu vikum og verður hráefnið að mestu úrgangssteikingarolía og dýrafitu.

Mannvit finnur heitt vatn í Ungverjalandi

Tue, 07 Sep 2010 15:13:53 GMT

Mannvit fann í síðustu viku heitt vatn í nágrenni borgarinnar Miskolc í Ungverjalandi, en Mannvit hefur síðustu ár starfað sem ráðgjafi ungverska orkufyrirtækisins Pannergy við jarðhitaverkefni þar í landi. Boranir hófust við Miskolc síðastliðið vor og í síðustu viku fannst heitt vatn á ríflega tveggja kílómetra dýpi. Fyrstu mælingar benda til að borholan gefi á bilinu 70-90 sekúndulítra af 110-120 gráðu heitu vatni sem er talsvert framar vonum og bendir til að svæðið muni skila meiri nýtanlegum jarðvarma en áætlanir gerðu ráð fyrir.

Mannvit og Auro Investment Partners skrifa undir samstarfssamning

Fri, 03 Sep 2010 13:01:07 GMT

Þann 1. September skrifuðu Runólfur Maack aðstoðarforstjóri Mannvits og Bala Kamallakharan framkvæmdarstjóri Auro Investment Partners undir samstarfssamning fyrirtækjanna að viðstöddum Össuri Skarphéðinssyni og frú Preneet Kaur, ráðherra utanríkismála Indlands. Saman munu fyrirtækin sækjast eftir verkefnum í tengslum við uppbyggingu orkukerfa og innviða á Indlandi.

Nýr aðalvöllur og áhorfendastúka tekin í notkun á Selfossi

Mon, 23 Aug 2010 14:12:51 GMT

Þann 19 ágúst sl. voru nýr aðalvöllur og áhorfendastúka knattspyrnufélagsins á Selfossi tekin í notkun. Undanfarin ár hefur Mannvit unnið töluvert með Ungmennafélagi Selfyssinga við gerð nýrrar glæsilegrar íþróttaaðstöðu á Selfossi.

Mannvit fær styrk frá Umhverfis- og orkurannsóknarsjóði OR

Wed, 07 Jul 2010 11:34:34 GMT

Mannvit hlaut á dögunum styrk frá Umhverfis- og orkurannsóknarsjóði Orkuveitur Reykjavíkur (UOOR). Verkefnisstjóri er Ari Ingimundarson vélaverkfræðingur hjá Mannviti. Styrkurinn er til að vinna að verkefni sem kallast – Hagkvæmari nýting gufu í Hellisheiðarvirkjun. Verkefnið er unnið í samvinnu jarðvarmavirkjanasviðs og upplýsingatæknikjarna Mannvits.